Jagna Christian Gospel Fellowship

Life of a Pastor in JCGF

gerryaraneta — Sun, 22 Jan 2012 22:49:56 +0000

Dalaygon ang Dios sa iyang katakus ug kahimuan sa mga mga daghang butang nga Iyang gipakita nga kaayohan alang sa iyang mga katawhan diha sa JCGF ministry. Usa niana ang pag angkon ug usa ka Pastor nga walay sama ka dedicated sa pagserbisyo sa mga buluhaton sa Ginoo. Usa ka magtutudlo nga may paglantaw alang sa kaayohan ug tinguha sa pagtubo hilabina diha sa espirituhanon nga bahin sa iyang mga sakop sa simbahan. Dili sayon ang kinabuhi nga may katungdanan isip usa ka Pastor, usa ka Amahan, bana ug haligi sa panimalay diin gitinguha usab niya ang pagbalanse ug pag atiman niining tanan sa dakong pagsalig nga ang Labing Gamhanang Dios motagbo sa mga gikinahanglan. In Rome 8:28 And we know that in all things God works for the good of those who love him, who have been called according to his purpose. Busa, among pagmahal ug pagsuporta sa among pastor maoy among mahimo uban sa padayon nga pagdinasigay sa matag usa. Padayon Pastor sa unsa may kabubut-on sa Dios nga gihatag nga hagit nimo ug andam kami sa kanunay makigtimbayayong sa mga pagsulay usab ug mga pagkulang diha sa pagpangalagad sa atong Buhi nga Dios. Among panghinaut sa kanunay ang kabaskog sa panglawas, grasya sa panalangin ug gugma ngadto sa katawhan hilabina kadtong tinuod nga nangita sa relasyon sa Dios. Among garbo ug dungog nga may sama kanimo nga Pastor, to God be the Glory!

Comment from drumwright11@gmail.com

gerryaraneta — Sun, 22 Jan 2012 22:13:20 +0000

“Jagna Christian Gospel Fellowship I wanted to thank you for your time for this wonderful read!! I definitely am enjoying every little bit of it and I have you bookmarked to check out new stuff on your blog post.What you just written here surely has me interested up to the last word, and I must say to you I rarely read the entire post of blogs as I usually got bored and tired of the gibberish that is presented to me on a daily basis and just end up checking out the pictures and the headlines etc. But your tag-line and the first paragraphs were exceptional and it instantly got me hooked. Commending you for a job well done in here. Thanks !! ”

-from drumwright11@gmail.com dated January 22, 2012

NEW website www.jcgf.info

gerryaraneta — Mon, 16 Jan 2012 22:29:02 +0000

Ang bag-o nga JCGF website mao kini www.jcgf.info. Kini gimaintenar nga ma improve pa sa umaabot nga panahon. Adunay plano nga i-live streaming ang matag mensahe kon praise and fellowship service matag Dominggo pero nagkinahanglan pa kini ug mga kahimanan sama sa digicam, tripod ug wireless router booster. Kini dako ug kahimuan o tabang alang sa mga miembro sa simbahan nga atua sa halayong dapit diin makita mapanalanginan usab sila pinaagi sa live streaming ug pagbasa usab sa mga mensahe kay i-post usab niining website ang matag topiko nga tema ni Pastor Edwin. Among pasalamat ug dako sa mga instrumentong tawo nitabang niini aron mas mo uswag pa ang pagpakaylap sa Pulong sa Dios pinaagi niining website. God bless us all, may the glory and honor belongs to our Almighty God. All things work together for good.

1st Prayer Group Leader’s Annual Retreat

edwinranan — Sun, 08 Jan 2012 09:36:23 +0000

Ang unang Prayer Group Leaders’ Retreat was held in Silangang Bahay at Loboc was very successful ug nindot kaayo ang resulta.

Duwaanan para Pingpong ug Badminton

gerryaraneta — Sat, 07 Jan 2012 14:15:23 +0000

Ang simbahan pwede nga maduwaan ug badminton ug pingpong o “table tennis” matag Dominggo human sa praise and worship service o bisan weekdays nga available ang court ug table tennis. Kini gituyo aron usab ang mga batan-on o bisan sa mga mahiligon sa duwa may kahigayunan nga madevelop ang skills sa maong sports ug isip usa ka paugnat sa kusog o ehersisyo na usab alang ngadto sa mga may edad na. Adunay mga gamit niini nga pwede mahulaman, pangitaa lang si Pastor Edwin o bisan kinsa sa iyang banay.

Creating Prayer Groups is Effective

gerryaraneta — Sat, 07 Jan 2012 14:12:49 +0000

Ang pagkabahin-bahin sa prayer groups sa Jagna Christian Gospel Fellowship nakita nga epektibo nga pamaagi matud pa ni Pastor Edwin Ranan. Ang ideya nagsumikad tungod sa pagkadaghan o dako na sa grupo nga mag prayer meeting matag semana. Gibahin kini segun sa edad o grupo sama sa grupo sa mga batan-on, bag-ong minyo, hamtong ug lugar diin duol ug pabor sa pagtigum. Gidumalaan ang matag prayer group ug usa ka hamtong nga lider ug maoy manguna sa paghatag ug skedyul sa mensahe ug lugar ipahigayon ang matag semana nga prayer meeting. Gitun-an pa ug dugang ni Pastor Edwin kon unsaon pa pagpadasig ug pagpalahutay sa mga miembro niini hilabina sa mga kauban nga naluya ilang espiritu sa kadasig.

TEXT Class Matag Dominggo sa JCGF Hapit na Matapos

gerryaraneta — Sat, 07 Jan 2012 14:11:31 +0000

Ang Theological Expansion Training kon TEXT sa Jagna Christian Gospel Fellowship Church hapit na matapos karong umaabot Hunyo ning tuig 2012. Ang TEXT maoy usa ka pagtuon sa Pulong sa Dios nga subay sa Daan ug Bag-o nga Testamento nga maoy pagsangkap sa usa ka magtotoo aron magadugang ang iyang kahibalo sa Pulong sa Dios ug nga makabuhat na usab siya pagtudlo sa uban. Nindot ug maayo kaayo ang maong pagtuon tungod kay maagian gyud nimo ang kasaysayan sa tibuok Biblia ug masabtan nimo ang mga hitabo ug mga sulat niini nga may dakong gamit unya sa pagsangyaw sa Pulong sa Dios hilabina ang ebanghelyo nga si Kristo namatay para sa atong mga sala ug siya nabanhaw nga tungod niana kita may kahigayunan nga maangkon ang grasya nga hatag sa Dios nga mao ang kaluwasan gikan sa pagkamakasasala. Aktibo kaayo ang mga nagtuon sa TEXT ug gani dasig sila sa pagtuon ug pagtubag sa matag eksamin matag Domingo nga ihatag ni Pastor Edwin Ranan. Puhon-puhon mahuman ang maong pagtuon, giawhag na usab ang sunod nga batch sa pagkonpirma sa ilang pag apil aron ma plastar na usab ang mga libro ug schedule niini.

JCGF Nagsugod na sa BTCP Training

gerryaraneta — Sat, 07 Jan 2012 14:09:32 +0000

Ang Jagna Christian Gospel Fellowship (JCGF) church nagsugod na sa gitawag nga Bible Training Center for Pastors and Church Leaders (BTCP). Kini usa ka halawm nga pagtuon sa Pulong sa Dios nga may kahibalo na sa Daan ug Bag-ong Tugon. Ang pagtuon gidumala mismo ni Pastor Edwin Ranan pinaagi sa mga libro ni Dennis J. Mock nga maoy gisubay sa maong pagtuon. Si Dennis J. Mock usa ka pastor nga nangalagad sa First Baptist Church sa Atlanta, Georgia, USA, ingon nga ministro sa Pagtudlo sa mga Hamtong ug Ministro sa pagtudlo sa Biblia ug sa pagbansay. Ang iyang libro maoy gigamit sa Sunday School ug maoy padugang nga pundok sa mga magtutudlo sa Columbia Bible College ug Dallas Theological Seminary. Ang maong pagtuon giapilan sa mga miembro nga nahuman na sa Theological Expansion Training (TEXT) kon pagsubay sa daan ug bag-ong Kasabotan. Kini mao sila si Brod. Alfredo Olano, Ronilo Capili, Bonifacio Aclan, Robin Aclan, Gerry Araneta, Sister Pia Beltran, Edeliza Ranan, Marieta Layson, Otelia Lloren ug uban pa. Sa pagkakaron, anaa na sila sa unang kurso nga gitawag ug “hermeneutics o Mga Pamaagi sa Pagtuon sa Biblia ug mga Lagda sa Pagsabot”

Bag-ong Website sa JCGF

gerryaraneta — Sat, 07 Jan 2012 14:07:11 +0000

Ang bag-ong website sa JCGF makita na pinaagi sa website address nga www.jcgf.info. Kahinumduman nga ang simbahan naggamit lang niadtong una sa googlepages.com diin libre nga hosting lamang ug limitado ang bandwidth niini pero karon tungod sa tabang sa pipila ka mga miembro, nahimo ang bag-ong website address nga sayon na hinumduman. Kasarangan nga gipanindot pa ug gi update ang mga sulod niini gikan sa daan nga website. Karon pwede na mapakita ang atong mga kalihukan sa simbahan pinaagi sa mga pictures, balita ug Pulong sa Dios nga gi upload niini. May kahigayunan na usab ang mga miembro sa JCGF Church sa atua sa layong lugar o abroad pinaagi sa internet ug gani giplano pa nga may livestreaming nga feature ang website aron makita diha diha mismo ang mensahe matag Dominggo.

Alternate sa Pastor Scheduled to Deliver Message for 2012

gerryaraneta — Sat, 07 Jan 2012 14:05:56 +0000

Aduna nay skedyul sa mga alternate ni Pastor Edwin sa paghatag ug mensahe matag Domingo. Tungod sa kadaghan nga buluhaton sa usa ka pastor, dili na maatiman ang uban pang buluhaton sa simbahan maoy hinungdan nga adunay skedyul sa paghatag ug mensahe sa mga graduates sa TEXT aron usab sila mabansay sa paghatag ug mensahe subay sa Pulong sa Dios. Ang skedyul gipahibalo na sa matag usa as alternate pastor sa tibuok tuig na nga skedyul aron may igong panahon sa pagpangandam ug pagtuon sa mensahe.